ANE MORENO ZUBIAGA

Umetatik hasi nintzen estetikarekin zerikusia duten jolasekin hartu-emonetan: nire panpinei ile orrazkera desberdinak eginez eta haientzako jantzitxoak josiz. Ordutik niregan ere frogatu ditut hamaika estilo eta look desberdin.

Betidanik erakarri nau estetikaren munduak.

Institutotik desorientatuta irten nintzen eta ingenieritza kimikoko ikasketak hasi nituen... handik urte betera konturatu nintzen nire benetako bokazioa  handik oso urruti zegoela; hain zuzen, ile-apainketa eta estetikan.

Lau urte igaro nituen Bilbon hauek ikasten, eta bitartean handik-hona ibili ninzen ile-apaindegi desberdinetan lantxoak egiten. Goi-mailako zikloa bukatu ostean, Durangon aritu nintzen zazpi urtez estetika zentru batean lanean eta, bertan, arlo honetan dudan oinarrizko esperientzia hartzen.

Beste alde batetik, estetikako zikloa burutzen nenbilela, nire lehenengo mikropigmentaziozko tatuajeak egin nituen: hasieran klaseko kideei, eta gero lagunei eta hauen ezagunei... Horrela piztu ziren nire baitan tatuajearen munduarekiko interesa eta mirespena.

Durangoko lana utzi nuenean, segidan aprobetxatu nuen Madrilera joateko tatuaje kurtsoa egitera. Hiriburuan nengoela bertako marrazketa eskola garrantzitsu batean ere izena eman nuen, eta nire lehen margolanak burutu ere.

Madriletik bueltan, banekien, azkenean, nire ametsa egi bihurtzeko unea heldu zela: nire estetika eta tatuaje zentrua zabalduko nuen!

Ez da bide erraza izan enpresaria berri bilakatzea, nahiz eta suposatzen den laguntza ugari daudela. Gezurra. Izan ere, oztopoak eta trabak besterik ez ditutu aurkitu han-hemen.

Baina, azkenean ere, hemen nago, AneK Estetika eta Tatuaje zentrua zabaltzeko prest!

Eskerrik asko guzti hau lortzeko lagundu didazuenei.

ONGI ETORRI, GUZTIOI, NIRERA!